ពួកអ្នកជំនាញការនៃក្រុមប្រឹក្សា ការពារនិងគ្រប់គ្រង ចំណីអាហារនិងឱសថ(FDA) របស់អាមេរិក បានយល់ស្របមតិគ្នាពីផលិតផលឱសថ របស់ក្រុមហ៊ុន Roche Holding AG មិនមានសុវត្ថិភាព ឬមិនមានប្រយោជន៍ព្យាបាលណាមួយច្បាស់លាស់ ក្នុងការព្យាបាលមហារីកដោះ ក្រោយពីបានធ្វើការតាមដានរយៈពេល ប៉ុន្មានឆ្នាំកន្លងមក។ ការដក Avastin ចេញពីក្រុមឱសថព្យាបាលមហារីកដោះនឹងធ្វើឡើងក្នុងខែ ធ្នូនេះ ប៉ុន្តែនៅរក្សាទុក Avastin ក្នុងក្រុមឱសថព្យាបាល មហារីក ពោះវៀនធំ, សួត, ខួរក្បាល និងតំរងនោមដដែល។
ចំពោះក្រុមហ៊ុន Roche វិញបានឲ្យដឹងថា ក្រុមហ៊ុននឹងខាតបង់ ប្រមាណជា ១០០០ ០០០ ០០០ ដុល្លា។ ចំណូលសរុប ដែលបានមកពីការលក់ Avastin នឹងធ្លាក់ចុះពី ៨០០ ០០០ ០០០ដុល្លា ក្នងឆ្នាំ ២០១០ មកត្រឹងតែ ៤០០ ០០០ ០០០ដុល្លាក្នងឆ្នាំ ២០១១។
